Perkara Subuh

                                                     www.behance.net

Dengan nafas tersengal-sengal dan bibir sedikit berdarah, Dulah menghampiri Papang, rekan satu profesinya, yang sedang menyeruput kopi pagi itu.

“Aduh, Makdikipe! Bibir gue jontor nih Pang!” 

“Emang kenape lu?Jatoh?” Tanya Papang penasaran.

“Digampar pak Haji! Ketangkep basah di masjid tadi! Pak Haji nongol keluar mesjid pas gue lagi mao nyolong sendal!” 

“Hah?” Aduan yang didengarnya itu membuat kopi yang akan dihirup Papang tiba-tiba jadi muncrat keluar dari  mulutnya.

“Ngeliat gue beraksi, Pak Haji langsung ngebentak! Ngapain lu pagi-pagi buta di sini?”

“Terus elu jawab ape?” Papang makin penasaran.

“ Gue bohongin aje deh tuh pak Haji, gue bilang kalau gue mau sholat subuh! Jelek-jelek gini gue pernah sekole ngaji dulu, macem-macem sholat diluar kepala dah!”

“Pinter emang lu, Dul!”

 “Tapinye pak Haji malah tambah curige, terus gue malahan ditanye-tanye lagi”

“Ditanye apaan?”

“Pak Haji nanya, kalo elu emang bener-bener mao sholat subuh, coba lu bilang ke gue, sholat subuh ntu ade berape rakaat?”

“Lu jawab berape, Dul?”

 

“Lha, mane gue tahu berape rakaat. Lu kan tahu gue kagak pernah sholat!”

“Jadi?”

“Jadi ye gue asal tebak aje! Empat rakaat! Eh, langsung gue digampar pak Haji!” 

“ Ah lu Dul bego dipelihara! Dimane-mane sholat Subuh ntu due rakaat! Mane ade empat rakaat!”

“Sok tau lu Pang! Pake bego-begoin gue lagi! Pake tuh otak, Pang! Gue jawab empat yang banyakan aje digampar, ape lagi dua yang lebih dikit? Bukan cuma digampar pak Haji, bisa-bisa dikeroyok orang semesjid gue!

Mendengar itu mulut Papang ternganga.

“Udahlah Dul, lu kagak usah nyolong di mesjid lagi, mending juga belajar ngaji ame sholat deh!” Kata Papang geleng-geleng kepala, sambil ngeloyor pergi meninggalkan kopinya yang masih setengah gelas.

Widz Stoops, PC -USA 7-8-2020